आईसीटी समाचार
नेपालमा पछिल्लो समय स्टार्टअपकाे प्रभाव विस्तारै देशका अन्य शहरहरूमा पनि देखिन थालेको छ। यसको नयाँ उदाहरण हो, बुटवलको मजुर एप ।
बुटवलमा मजुर एपले अनलाइन फुड डेलिभरी सेवा सुरु गरेको छ । मजुर एप मार्फत् फुड बाहेक अन्य सामानहरु पनि अर्डर गर्न सकिने कम्पनीले जानकारी दिएको छ ।
मजुरको आइडिया बि.सं. २०५३ सालमा पढ्दा पढ्दै छुट्टिएको दुई साथी कृष्ण आचार्य र अविनाश अधिकारी २०७७ सालमा भेटिएपछि जन्मिएको हो ।
मजुर डिजिटल सर्भिस प्रालिद्वारा सञ्चालित मजुर एप एन्ड्रोइड फोन प्रयोगकर्ताले गूगल प्लेस्टोरबाट सजिलै डाउनलोड गर्न सक्ने छन् । त्यस्तै आईफोन प्रयोगकर्ताले यहाँ क्लिक गरी वेबसाइट मार्फत् फुड अर्डर गर्न सक्ने छन् ।
मजुरको सेवालाई देशका अन्य ठाउँमा विस्तार गर्ने कम्पनीको योजना रहेको छ । मजुर एपमा जीपीएस ट्रयाकिङ सिस्टम प्रयोग गरिएको छ।
