आईसीटी समाचार
ह्याकरहरुले एप्पलको एम वान प्रोसेसर भएको म्याकलाई ह्याक गर्ने प्रयास गरिरहेका छन् ।
एप्पलको एम वान प्रोसेसर भएको म्याक सार्वजनिक भएको केही महिना नबित्दै ह्याकरहरुले सिस्टम ह्याक गर्ने काममा लागी सकेका छन् ।
सुरक्षा अन्वेषक प्याट्रीक वार्डलको अनुसार एम वान चीपलाई नै केन्द्रित गरेर नोक्सान गर्ने खालको एप पनि बनाइएको छ ।
ह्याकिङका लागी पिरीट भन्ने एडवेयरको प्रयोग गरिएको अन्वेषणले देखाएको छ । यो म्यालवेयरले प्रयोगकर्ताको डेटा संकलन गरेर थुप्रै विज्ञापनहरु देखाउने गर्दछ ।
वार्डलले यो म्यालवेयरलाई भाइरस टोटल भन्ने एन्टीभाइरस परिक्षण प्लेटफर्मबाट भेटाएका हुन् । एम वानलाई ह्याक गर्न खासै कठिन पनि नभएको विज्ञहरुको भनाई रहेको छ ।
