आईसीटी समाचार
नेपाल दूरसञ्चार प्राधिकरणले प्राधिकरणका उप निर्देशक सन्दिप अधिकारीलाई उत्कृष्ट कर्मचारी घोषणा गरेको छ । प्राधिकरणले आफ्नो २३ औं वार्षिकोत्सवको अवसरमा अधिकारीलाई वर्षकै उत्कृष्ट कर्मचारी घोषित गरेको हो ।
उनलाई कार्यक्रमका प्रमुख अतिथी एंव सञ्चार तथा सूचना प्रविधि मन्त्री पार्वत गुरूङले १५ नगद सहित सम्मान पत्र प्रदान गरेका थिए ।
त्यस्तै प्राधिकरणले करारमा कार्यरत अन्य थप चारजना कर्मचारीहरुलाई पनि उत्कृष्ट कर्मचारी पुरस्कार प्रदान गरेको छ । उक्त कर्मचारीमा २ जना ड्राइभर, एक जना सुरक्षा गार्ड र एकजना कार्यालय सहयोगी रहेका छन् । उनीहरुलाई कार्यक्रमका प्रमुख अतिथी गुरूङले १० हजार नगद सहित सम्मान पत्र प्रदान गरेका थिए ।
