आईसीटी समाचार
गोपनीयतामा केन्द्रित रहेको ब्राउजर ब्रेभले आफ्नै सर्च इन्जिन ल्याउने भएको छ। यसका लागि ब्रेभले टेलक्याट नामक ओपन सोर्स इन्जिन खरिद गरेको छ ।
कम्पनीले अरुलाई पनि आफ्नो सर्च इन्जिन बनाउन ब्रेभ सर्च टेकको प्रयोग गर्न दिने जनाएको छ ।
कम्पनीका अनुसार यो सर्च इन्जिन गूगल सर्च र क्रोमको विकल्पको रुपमा काम गर्नेछ । ब्रेभले आफ्नै ब्राउजरको नीति प्रयोग गरेर ब्रेभ सर्च इन्जिन बनाउनेछ ।
ब्रेभका हाल २ करोड ५० लाख सक्रिय प्रयोगकर्ता रहेका छन् । ब्रेभ सर्च इन्जिन विज्ञापन र विज्ञापन रहित दुवैखालको मोडेलमा बनाइने छ ।
ब्रेभले पारदर्शि बन्नलाई कुनै सिक्रेट प्रक्रिया या अल्गोरिदम प्रयोग गर्ने छैन् । प्रयोगकर्ताको गोपनियता पनि सुरक्षित हुने कम्पनीले बताएको छ । यसमा केही कुरा खोज्न पनि सहज हुने कम्पनीको भनाई छ ।
