आईसीटी समाचार
सूचना तथा सञ्चार प्रविधिमा महिला
बढाऔं हर प्रयासले सबैका पाइला ।
जीवनका हरेक पल बनाउन रमाइला
सबै क्षेत्र समेट्न चाहिने सोच गहकिला । ।
महिला र पुरूष भनी नराखौं भेदभाव
प्रविधिमैत्री बन्न आवश्यक छ लगाव ।
दक्षताको लागि निरन्तर चाहिने झुकाव
अनि मात्र हुन सक्छ सफलताको अनुभव । ।
द्रुततर गतिमा अघि बढेको प्रविधिको ज्ञान
प्रविधिमैत्री महिलाको लागि चालौं अभियान ।
महिलाले पनि प्रविधिमा साथ दिन सक्छ ठान
अनि मात्र हुन सक्छ विकास र समृद्धिको भान । ।
निरक्षर महिलालाई चलाउन सिकाऔं कम्तिमा फोन
साधारण साक्षर महिलाले पनि चलाऔं स्मार्ट फोन ।
साक्षर महिलाले प्रयोग गरौं प्रविधिका अनेक साधन
प्रविधि बुझ्ने महिलाले निर्माण गरौं प्रविधिका सामान । ।
यसरी बनाऔं महिलालाई प्रविधिमा अभ्यस्त
अनि बन्छन् महिला पनि प्रविधिमा व्यस्त ।
प्रविधिको सदुपयोगले जीवन बन्छ मस्त
डिजिटल नेपाल निर्माणले गति लिन्छ चुस्त । ।
साभार स्रोत : वुमन इन आइटीले अन्तराष्ट्रिय नारी दिवसको अवसरमा प्रकाशन गरेको म्यागजिन
