एमएनएसले खरिद गर्‍यो हाम्रो बजार, नयाँ सीईओमा रोहित तिवारी नियुक्त

नेपालको लोकप्रिय इकमर्स कम्पनी हाम्रो बजारलाई मुभर्स एण्ड सेकर्स (एमएनएस) इन्भेष्टमेन्टले खरिद गरेको छ ।

एमएनएसले हाम्रो बजारलाई खरिद गरेपछि नयाँ प्रमुख कार्यकारी अधिकृत (सीईओ) को रुपमा रोहित तिवारी नियुक्त गरेको छ ।

एमएनएसले बुधबार एक विज्ञप्ति सार्वजनिक गर्दै हाम्रो बजार खरिद गरेको र तिवारीलाई नयाँ सीईओमा नियुक्त गरेको जानकारी दिएको हो । एमएनएसले हाम्रो बजारलाई कति मूल्यमा खरिद गर्‍यो त्यो भने जानकारी दिएको छैन् ।

एमएनस इन्भेस्टमेन्टका अध्यक्ष सम्भव सिरोहीयाको अनुसार हाम्रो बजारलाई एमएनएसले अझै नयाँ उचाईमा पुर्‍याउने लक्ष्य राखेको बताएका छन् ।

यो सहकार्यले नेपालको डिजिटल मार्केटप्लेसको विकासमा अझै योगदान पुग्ने सिरोहीयाको विश्वास रहेको छ । रोहित तिवारी अनलाइन फुड डेलिभरी गर्ने कम्पनी फुडमारियोका संस्थापक समेत हुन् ।