आईसीटी समाचार
युट्युबले कोरोना खोपको बारेमा गलत जानकारी फैलाउने ३० हजार भिडियोलाई डिलिट गरेको छ ।
गलत जानकारीको विरुद्धमा नीति आएको ६ महिना पछि युट्युबले भिडियोहरु डिलिट गरेको हो ।
अक्टोबर भन्दा पहिले पनि युट्युबले कोरोनाको बारेमा गलत जानकारी बारे नीति ल्याएको थियो तर यसमा खोपलाई तोकेर केहीपनि लेखिएको थिएन् ।
यस भन्दा अगाडि युट्युबले कोरोनाको बारेमा गलत जानकारी फैलाउने ८ लाख भिडियोलाई पनि डिलिट गरेको थियो ।
फेसबुक र ट्वीटरले पनि गलत जानकारी फैलिन नदिन केही नीतिहरु ल्याइरहेका छन् ।
विश्व स्वास्थ्य संगठन र अरु प्रशासनहरुको जानकारी बाहेकको जानकारीलाई युट्युबले आधिकारिक नमान्ने बताएको छ ।
