आईसीटी समाचार
नेपालको भर्चुअल रेडियोलोजिस्ट टिमले बनाएको पिकोस्याट प्रोजेक्ट माइक्रोसफ्ट इम्याजिन कपको फाइनलमा पुगेको छ ।
सहभागी १६३ देशहरु मध्य पिकोस्याट माइक्रोसफ्ट इम्याजिन कपकाे टप १२ मा पर्न सफल भएको छ। टप १२ का टिमहरु विश्वव्यापी फाइनल्सको दोस्रो राउण्डमा जाने भएका छन् ।
यो प्रोजेक्ट वातावरण स्याटेलाइटको सानो संस्करण हो । यसले वातावरणको बारेमा जानकारी दिने गर्दछ ।
यसबाट वातावरणको प्रेसर, तापक्रम, ह्युमिडिटी र प्रदूषण स्तर मापन गर्न सकिन्छ । यसले वर्तमान समय र विगत २४ घण्टाको रेकर्ड दिन सक्छ ।
हार्डवेयरबाट दुई ओटा ट्रान्समिसन मिडियम प्रयोग गरेर डेटा ट्रान्सफर गरिन्छ । पहिलो मिडियम एचटीटीपी प्रोटोकल हाे जहाँ डिभाइसले एजुरे आईओटी प्रयोग गरेर सिधै डेटा अपलोड गर्ने गर्छ र अर्काे भनेको रेडियो वेब प्रयोग गरेर हो ।
डेटालाई मूल्याकंनका लागि प्रयोग गरिन्छ । एजुरे स्ट्रीम एनालाईटिक्सको डेटा मौसम बताउन र तापक्रममा घटबढ थाहा पाउनलाई काम लाग्छ ।
पृथ्वीको मौसमको अवस्था राम्रो बनाउने यो प्रोजेक्टको लक्ष्य रहेको छ।
यो प्रोजेक्ट अवान श्रेष्ठ, संश्रृत पौडेल, आशिष अधिकारी र सबिल श्रेष्ठले संयुक्त रुपमा निर्माण गरेका हुन्छ ।
माइक्रोसफ्ट इम्याजिन कपको विजेताले दश लाख भन्दा बढि रुपैयाँ, एजुरे क्रेडिट र वल्र्ड च्याम्पियनसिपमा चार स्थान पाउँनेछ । त्यस्तै रनरअप प्रोजेक्टले दुई लाख पच्चास हजार भन्दा बढि रुपैयाँ र एजुरे क्रेडिट पाउँनेछ ।
