आईसीटी समाचार
क्यासियोले वेयर ओएस भएको पहिलो जीशक स्मार्टवाच सार्वजनिक गरेको छ ।
यो स्मार्टवाचलाई गूगल वेयर ओएस प्लेटफर्म प्रयोग गरेर बनाइएको हो । यो घडीमा खेलकुदसँग सम्बन्धित फिचरहरु रहेका छन् ।
यो पानी नछिर्ने तरिकाले बनाइएको छ । यसमा सधैँ अन नै रहने एलसीडी स्क्रीन पनि रहेको छ जसले समय देखाईरहन्छ ।
यसमा सेन्सरहरु पनि प्रयोग गरिएको छ जसमा बिल्ट इन जीपीएस राखिएको छ । यसमा अप्टिकल हार्ट रेट सेन्सर रहेको छ ।
यसलाई क्यासियो एपसँग कनेक्ट गरिएको छ जसले गर्दा घर भित्रै कसरत गरेको पनि रेकर्ड हुने गर्दछ ।
जीशक स्मार्टवाचले एक पटक चार्ज गरेपछि साढे एकदिन सम्म ब्याट्री लाइफ दिने कम्पनीले दावी गरेको छ ।
जीशक स्मार्टवाच रातो, कालो र निलो रङ्गमा उपलब्ध छ । यसको मूल्य सात सय अमेरिकी डलर तोकिएको छ ।
