आईसीटी समाचार
नेपाल प्रहरीको साइबर ब्युरोले कलाकारको फेसबुक ह्याक गरेर रकम मागेको आरोपमा एक जनालाई पक्राउ गरेको छ ।
साइबर ब्यूरोले पर्सा बहुदजरमाई नगरपालिका-५ बस्ने १४ वर्षीय बालकलाई दीपाश्री निरौला लगायत कलाकारको फेसबुक अकाउन्ट ह्याक गरेको अभियोगमा पक्राउ गरेको हो । उनलाई जिल्ला प्रहरी कार्यालय पर्साको सहयोगमा सोमबार पक्राउ गरिएको हो ।
विद्युतीय कारोबार ऐन २०६३ बमोजिमको कसुर गरेको पाइएको हुँदा जिल्ला अदालत काठमाडौंको अनुमति लिएर १४ वर्षीय बालकलाई पक्राउ गरिएको हो । यस बारे प्रहरीले थप अनुसन्धान गरिरहेको छ ।
