आईसीटी समाचार
गूगलका रिसर्च म्यानेजर तथा वरिष्ठ एआई वैज्ञानिक स्यामी बेन्जीओले राजिनामा दिएका छन् ।
रोयटर्सका अनुसार पेपर रिभ्यू र विविधतामा प्रश्न उठाउँदा सहकर्मीलाई कामबाट निकालेपछि उनले राजिनामा दिएका हुन् ।
आर्टिफिसियल इन्टेलिजेन्स रिसर्चर टिमनीट गेब्रुलाई निकालेदेखि अरु कर्मचारीले पनि राजिनामा दिएका थिए तर राजिनामा दिनेमा बेन्जीओ सबैभन्दा ठूलो पदमा रहेका व्यक्ति हुन् ।
बेन्जीओले गूगलमा १४ वर्ष काम गरिसकेका छन् । गूगलले फेब्रुअरीमा स्टाफ वैज्ञानिक मागारेट मिचेललाई इलेक्ट्रोनिक फाइल सारेको आरोपमा कामबाट निकालेको थियो ।
बेनजियो मागारेटललाई निकाल्दा पनि अचम्ममा परेका थिए । बेन्जीओले राजिनामा दिनु भन्दा पहिले सबै जना सहकर्मीहरुलाई मेल पठाएका थिए ।
मेलमा बेन्जीओले टीमवर्कमा काम गर्दा धेरै कुरा सिक्न पाएको अनुभव बताएका थिए ।
