आईसीटी समाचार
राष्ट्रिय सूचना प्रविधि केन्द्रले करार सेवामा १३ जना कर्मचारी माग गरेको छ । बिहीबार एक सूचना प्रकाशित गर्दै केन्द्रले दरखास्त विभिन्न पदमा १३ जनाका लागि दरखास्त आह्वान गरेको हो ।
केन्द्रले सूचना प्रविधि निर्देशक १ जना, कम्प्युटर इन्जिनियर १ जना, इलेक्ट्रिकल इन्जिनियर १ जना, सिस्टम एडमिनिस्ट्रेटर २ जना, इलेक्ट्रिकल टेक्निसियन १ जना, कम्प्युटर टेक्निसियन २ जना र कम्प्युटर अपरेटर २ जना माग गरेको छ ।
इच्छुक व्यक्तिले सातदिन भित्रमा राष्ट्रिय सूचना प्रविधि कन्द्र सिंहदरबारमा आवेदन पेश गर्न सक्ने छन् । अन्तरवार्ताको आधारमा केन्द्रले कर्मचारी छनोट गर्नेछ ।
तलब सुविधा नेपाल सरकारको प्रचलित तलब स्केल बमोजिम हुने केन्द्रले जनाएको छ । दरखास्त दिदा नेपाली नागरिकताको प्रमाणपत्रको प्रतिलिपि, शैक्षिक योग्यता तथा चारित्रिक योग्यताको प्रमाणपत्रको प्रतिलिपि, विदेशीको हकम समक्षताको प्रमाणपत्र र इन्जिनियरिङ पदको लागि इन्जिनियरिङ पदमा दर्ता भएको प्रमाणपत्र पेश गर्नुपर्ने छ ।
राष्ट्रिय सूचना प्रविधि केन्द्रका अनुसार अन्तरवार्ताका लागि छनोट भएका उम्मेदवारहरुको सूची वेबसाइटमा प्रकाशन गरिने छ । साथै दरखास्त फाराम यहाँ क्लिक गरी डाउनलोड गर्न सकिने छ ।
