आईसीटी समाचार
नेपाल प्रहरीका पूर्व डिआईजी डा. राजिब सुब्बा सुप्रबल जनसेवा श्री (तृतिय) पदकबाट सम्मानित भएका छन् । शुक्रबार उक्त पदकबाट पूर्व प्रहरी नायव महानिरीक्षक डा. राजिव सुब्बा सम्मानित भएका हुन् ।
उनी विसं. २०५२ सालमा प्राविधिकतर्फ प्रहरी निरीक्षकको रुपमा प्रहरी संगठनमा प्रवेश गरेका थिए । सञ्चार निर्देशनालयका प्रमुख उनले आफ्नो कार्यकाल १ वर्ष बाँकी रहेकै बेला २०७६ साल फागुन महिनामा डिआईजी पदबाट राजीनामा दिएका थिए ।
नेपाल प्रहरीलाई प्रविधिमैत्री बनाउने र सेवालाइ डिजिटलाइजेसन गर्नसम्म डा. सुब्बाको योगदान महत्वपूर्ण छ । उनको जन्म ताप्लेजुङमा भएको हो ।
उनले दक्षिण भारतको कर्नाटक युनिभर्सिटीबाट इलेक्टोनिक्स एन्ड कम्युनिकेशन्समा सन् १९९३ मा बिई इन्जिनियरिङ पढेका थिए । उनले पिएचडी सोसल मिडिया र विपत् व्यवस्थापन सम्बन्धी गरेका छन् ।
यो पनि पढ्नुहोस्ः प्रहरीलाई जनतासँग कनेक्ट गर्ने डा. ‘राजिव सुब्बा’
