आईसीटी समाचार
नयाँ वर्ष २०७८ को अवसरमा सानिमा बैंकले नयाँ वर्ष २०७८ को अवसरमा ‘नयाँ रहर, नयाँ अफर’ योजना सार्वजनिक गरेको छ ।
अनलाइन सपिङ्ग पोर्टल दराजसँगको सहकार्यमा बैंकले यस्तो योजना सार्वजनिक गरेको हो । बैंकका डेबिट तथा क्रेडिट कार्ड प्रयोगकर्ताहरूलाई दराजबाट सामान खरिद गर्दा विशेष छुट मिल्ने बैंकले जनाएको छ ।
यो योजनाअन्तर्गत सानिमा बैंकको ग्राहकले डेबिट कार्ड प्रयोग गरी सामान खरिद गर्दा १५ प्रतिशत वा अधिकतम १ हजारसम्मको छुट प्राप्त गर्न सक्नेछन् ।
त्यसैगरी, क्रेडिट कार्ड प्रयोग गरी सामान खरिद गर्दा २० प्रतिशत वा अधिकतम १ हजार ५ सयसम्मको छुट प्राप्त गर्न सक्ने बैंकले जनाएको छ । यो चैत्र २९ देखि २०७८ वैशाख ७ गतेसम्म लागू हुनेछ ।
छुट सम्बन्धि सम्झौतामा बैंकका डिजिटल बैंकिङ्ग विभागका निरज राज श्रेष्ठ र दराजका अरुण फुयाँलले हस्ताक्षर गरेका छन् ।
