आईसीटी समाचार
नेपालमा अहिले विस्तारै धेरै इकमर्स कम्पनीहरु सञ्चालनमा आएका छन भने केहि आउने क्रममा छन् । यसले नेपालमा इकमर्सको व्यापार बढ्दो छ भन्ने बुझिन्छ ।
तर धेरै जसो अवस्थाहरुमा नेपाली ग्राहकहरुको प्रतिक्रिया मिस्रित आउने गरेका छन् । अनलाइनबाट किन्दा सामान राम्रो नभएको, डुप्लिकेट सामानहरु पाईएको तथा सामान समयमा डेलिभरी नभएको आदि आदि ।
यो समस्यालाइै चिर्दै नेपाली बजारमा ब्राण्डेड तथा ओरिजिनल सामानहरुमात्र विक्री गर्ने गरी श्रृंगार डटकम नामक इकमर्स कम्पनी हालै मात्र नेपालमा शुरु भएको छ ।
श्रृंगार डटकमका व्यवस्थापक रवी दुवालका अनुसार श्रृंगार डटकममा केवल ब्राण्डेड कस्मेटिक्स, स्कीनकेयर, तथा कपडाहरु खरिद गर्न सकिनेछ ।
यस कम्पनी मार्फत केवल ब्राण्डेड सामानहरुको बिक्रीगर्ने बिक्रेताहरुले आफ्ना सामानहरु बिक्री गर्न सक्नेछन् ।
नेपाली युवा उद्यमीहरुले सञ्चालन गरेको यो ईकमर्श कम्पनी गत बर्षको वैशाखदेखि परिक्षण सञ्चालन गरिरहेको छ र यो वैशाख देखि पुर्ण रुपमा सञ्चालनमा आउँदैछ ।
