न्यूरालिंकको ब्रेन कम्प्यूटर इन्टरफेस प्रिभ्यू सार्वजनिक, बाँदरले खेल्यो पिङ्गपङ्ग गेम (भिडियोसहित)

एलन मस्कले मानव मस्तिष्कलाई कम्प्युटरसँग जोड्ने प्रविधि न्यूरालिंकको बारेमा अपडेट दिएका छन् ।

मस्कले ट्वीटरमा सेयर गरेको भिडियोमा ब्रेन कम्प्यूटर इन्टरफेसको प्रिभ्यू दिएर बाँदरले पिङ्गपङ्ग खेलिरहेको देखाइएको छ ।

सुरुमा पेजर नामक बाँदरले जोय स्टीकले गेम खेलिरहेको देखाइएको छ र त्यसपछि दिमागले सोचेरनै खेलिरहेको पनि देखाइएको छ । मस्कको अनुसार पेजरमा १,०२४ इलेक्ट्रोड इम्पलान्ट गरिएको थियो ।

त्यस्तै यो प्रक्रियामा डेटा ट्रान्समिसन डिभाइस एन वान लिङक पनि प्रयोग गरिएको थियो । यसले पेजरलाई सजिलै मागदर्शन गराईरहेको थियो ।

मस्कले यो प्रविधिले गर्दा स्वस्थ व्यक्तिले औँलाले चलाएको स्मार्टफोन भन्दा छिटो प्यारालाइसीस भएको मान्छेले मनले नै चलाउन सक्ने पनि बताएका छन् ।