आईसीटी समाचार
चौंथो अन्तर्राष्ट्रिय ‘इण्टेलिजेन्ट कम्प्युटिङ एन्ड कन्ट्रोल सिस्टम्स’ (ICOIICS–2025) सम्मेलन ललितपुरस्थित होटल हिमालयमा सफलतापूर्वक सम्पन्न भएको छ । १९ नोभेम्बरमा सम्पन्न उद्घाटन समारोहमा प्रमुख अतिथि प्रा. डा. सरोज शाक्यले कार्यक्रमको औपचारिक उद्घाटन गरेका थिए ।
सम्मेलनमा जम्मा १,०७९ अनुसन्धानपत्रहरू प्राप्त भएका मध्ये २७९ वटा प्रस्तुतीकरणका लागि स्वीकृत भएका थिए । हाइब्रिड मोडमा आयोजित उक्त सम्मेलनमा आईओई, सगरमाथा कलेज र एनसीआईटीले भौतिक उपस्थिति जनाएका थिए।
प्राविधिक सत्रहरूको अध्यक्षता कमल चापागाईंले गरेका थिए । प्रस्तुत गरिएका शोधपत्रहरूमा नेपाली लिपि, ट्राफिक नम्बर प्लेट पहिचान, ट्राफिक पूर्वानुमान लगायत इन्टेलिजेन्ट कम्प्युटिङ र कन्ट्रोल सिस्टम्स जस्ता विभिन्न उदीयमान विषयबस्तुहरू समेटिएका थिए । सो सम्मेलन नेपाल कलेज अफ इन्फर्मेशन टेक्नोलोजी, IEEE, र इलेक्ट्रोन डिभाइस सोसाइटीद्वारा संयुक्त रूपमा आयोजना गरिएको थियो ।
स्वीकृत सबै शोधपत्रहरू IEEE Xplore– कम्प्लेन्ट ISBN 979-8-3315-9897-6 तथा IEEE DVD ISBN 979-8-3315-9896-9 सहितको सम्मेलन कार्यविधि (Proceedings) मा प्रकाशित हुनेछन् ।
उक्त सम्मेलनले प्रविधिगत उन्नयन, इलेक्ट्रोनिक उपकरण डिजाइन, कन्ट्रोल सिस्टमहरूको कार्यक्षमता वृद्धि तथा बुद्धिमानी कम्प्युटिङ, सूचना प्रणाली र कन्ट्रोल सिस्टम्स क्षेत्रमा नवीनतम नवप्रवर्तन, प्रवृत्ति र चुनौतीहरूको सम्बोधनमा महत्वपूर्ण योगदान पुर्याउने अपेक्षा गरिएको छ ।
