आइएमई पेका नयाँ प्रयोगकर्ताले सय रूपैयाँ लोड गर्दा सयनै बोनस पाउने

आइएमई पेले नयाँ एप प्रयोगकर्ताहरूलाई लक्षित गरी गृह प्रवेश अफर सार्वजनिक गरेको छ । यस अफर अन्तर्गत १ सयमा १ सय नै बोनस उपलब्ध हुने कम्पनीले जनाएको छ ।

यो योजनामा सहभागी हुन आइएमई पे डाउनलोड गरी आफ्नो मोबाइल नम्बर दर्ता गर्नुपर्नेछ । प्रयोगकर्ताको व्यक्तिगत विवरण (केवाईसी) फारम भरेर कुनै पनि माध्यमबाट आइएमई पे वालेटमा १ सय रूपैयाँ जम्मा गर्नु पर्नेछ ।

जसमा १ सय नै बोनस रकम तत्काल प्राप्त गर्न सकिने आइएमईले जनाएको छ । यसका लागि केवाईसी फारम भने प्रमाणित हुनुपर्नेछ ।

यसरी ‘आइएमई पे’ मा मौज्दात हुन आउने रकम मोबाइल रिचार्ज, घरायसी प्रयोगमा आउने सेवाहरू जस्तैः पानी, बिजुली, इन्टरनेटको महसुल एवं सरकारी दस्तुर, टिकट आदिको भुक्तानमा प्रयोग गर्न सकिने छ ।

यसका अतिरिक्त जुनसुकै स्थलगत क्यूआर कोड स्क्यान मार्फत भुक्तान गर्न सकिन्छ । यो योजना अप्रिल २१ देखि मे २१ सम्म नयाँ प्रयोगकर्ताहरूका लागि मात्र कायम हुने कम्पनीले जनाएको छ ।