आईसीटी समाचार
एप्पलले आफ्नो घडीको अपरेटिङ सिस्टमका वाच ओएसमा नयाँ अपडेट ल्याएको छ । यो नयाँ अपडेटले सजिलै आइफोनलाई अनलक गर्न दिन्छ ।
वाचओएस ७.४ भएको एप्पल वाच प्रयोग गर्नेले फेस आइडी वा पासकोड बिनानै डिभाइस अनलक गर्न सक्नेछन् । मास्क लगाएको बेला पनि फेस अनलकको फिचर प्रयोग गरेर डिभाइस अनलक गर्न सकिने छ ।
यसका लागि आइफोनको फेसआइडी र पासकोड सेटिङमा गएर त्योसँगै रहेको ‘अनलक विथ एप्पल वाच’ भन्ने फिचर प्रयोग गर्न सकिन्छ ।
त्यस्तै नयाँ अपरेटिङ सिस्टमले ब्लुटुथ डिभाइस टाइप पनि छान्न दिन्छ जसले गर्दा कुनै अडियो नोटिफिकेसन आउँदा कुन हेडफोनमा पठाउने भनेर थाहाहुन्छ । घडिमा एप्पल फिटनेस प्ल्सको मद्दतले अडियो र भिडियो पनि स्ट्रीम गर्न सकिन्छ।
भियतनाम र अस्ट्रेलियाका प्रयोगकर्ताका लागि अनियमित हृदय दर र ईसिजीको पनि सेवा रहेको छ । विस्तारै यो सेवा अरु देशहरुमा पनि उपलब्ध हुनेछ ।
