आईसीटी समाचार
प्रशासनबाट स्पष्ट निर्देशन नआउँदा फुडमाण्ड फ्रेसको सेवा अस्थायी रूपमा बन्द भएको छ । कम्पनीले आज एक सूचना सार्वजनिक गर्दै फुडमाण्डु फ्रेसबाट अत्यावश्यक ग्रोसरीहरुको अर्डर लिन बन्द गरेको जानकारी दिएको हो ।
काठमाडौंमा निषेधाज्ञा लागु भएपछि फुडमाण्डुले फ्रेश भेजिटेबल, फ्रोजन मिट, बेकरी आइटम र फलफूललगायतका ताजा उत्पादनहरू डेलिभरी गर्दै आइरहेको थियो । तर प्रशासनबाट होम डेलिभरी सेवा सम्बन्धि स्पष्ट निर्देशन नआउँदा डेलिभरी सेवा रोकिएको हो ।
फुडमाण्डुको उक्त सूचनामा भनिएको छ, ‘हामी होम डेलिभरी सेवाका लागि अधिकारीहरुबाट स्पष्ट निर्देशन र गायडलाइनको प्रतिक्षामा छौं ।’
‘स्पष्ट निर्देशन पाउनसाथ र हाम्रा सवारीसाधन सडकमा बिना कुनै अवरोध सञ्चालन हुने अनुमति पाएपछि हामी होम डेलिभरी सेवा पुनः सुरू गर्ने छौं,’ सो सूचनामा उल्लेख गरिएको छ ।
