महसुल नतिरेको निहुमा निषेधाज्ञाभरी इन्टरनेट सेवा नकाट्न सेवा प्रदायकलाई प्राधिकरणको आग्रह 

नेपाल दूरसञ्चार प्राधिकरणले कोरोना महामारीको अवस्थामा उपभोक्ताको इन्टरनेट लाइन नकाट्न सम्पुर्ण सेवा प्रदायकलाई अनुरोध गरेको छ ।

केही सेवा प्रदायकले समयमै महसुल नतिरेको भनेर लाइन काटेको गुनासो आएको भन्दै घरभित्रै सीमित भएका उपभोक्तालाई विद्युतीय माध्यमबाट भुक्तानीको व्यवस्था मिलाउन र त्यो पनि हुन नसकेकेमा विषेधाज्ञाभरी लाइन नकाट्न सेवा प्रदायकलाई अनुरोध गरेको हो ।

इन्टरनेट सेवा अवरुद्ध हुदा आम उपभोक्तामा नकारात्मक असर पर्न जाने तर्फ सचेत भइ महशुल भुक्तानी गर्न असमर्थ ग्राहकहरुको सेवा नेपाल सरकारद्धारा जारी निषेधाज्ञा अवधिभर निरन्तर संचालन हुने व्यवस्था मिलाउन र निषेधाज्ञा हटेपछि पनि बिलम्ब शुल्क नलिइन भुक्तानीको व्यवस्था मिलाउन सम्पुर्ण सेवा प्रदायकमा प्राधिकरणले अनुरोध गरेको छ ।

अहिले ५२ जिल्लामा निषेधाज्ञा छ । यस परिस्थितिमा सम्पुर्ण उपभोक्ता घरभित्र थुनिदा इन्टरनेट खपत बढेको छ ।

उपभोक्ता घर भित्रै सिमित भएको हुदा दूरसञ्चार तथा इन्टरनेट जस्तो अत्यावश्यक सेवा सूचारु राख्नु पर्नेमा केही सेवा प्रदायकहरुले समयमा महसुल भुक्तानी नगरेको कारण सेवा अवरुद्ध गरेको गुनासो आएको प्राधिकरणले जनाएको छ ।
सम्भवसम्म विद्युतीय माध्यमबाट महसुल भुक्तानी लिने व्यवस्थ ागर्न र सर्भिस सेन्टदरमार्फत सेवाग्राहीको भिडभाड नहुने तथा भौतिक दूरी कायम हुनेगरी महशुल भुक्तानी लिने व्यवस्था मिलाउन उसले आग्रह गरेको छ ।