आईसीटी समाचार
हाम्रो डक्टरबाट अब निःशुल्क कोभिड परामर्श लिन सकिने भएको छ । नेपालकै पहिलो अनलाईन हेल्थकेयर प्लेटफर्म हाम्रो डक्टर डटकम र हाम्रो डक्टर मोबाइल एप मार्फत निःशुल्क कोभिड परामर्श लिन सकिने भएको हो ।
यसअघि कम्पनीले मोबाइल एपबाट चिकित्सकसँग सःशुल्क परामर्श सेवा सञ्चालन गर्दै आएको थियो । कोभिड अवधिभर प्रयोगकर्तालाई राहत दिने उद्देश्यले निःशुल्क परामर्श सेवा सुरु गरेको हाम्रो डक्टरका सिईओ उद्धवराज भेटुवालले बताए ।
हाम्रो डक्टरको मोबाइल एप गुगल प्ले स्टोर र एप्पल एप स्टोरमा उपलब्ध रहेको छ । मोबाइल एप डाउनलोड गरेपछि एप भित्र भएको परामर्श सेक्सनमा गएर कोरोना कल्सल्टेशनमा प्रयोगकर्ताले निःशुल्क चिकित्सकहरुसँग परामर्श गर्न सक्नेछन् ।
एकपटक सुरु गरेपछि सातदिनसम्म प्रयोगकर्ताले चिकित्सकसँग परामर्श लिन, आफ्ना रिपोर्टहरु पठाउन र निगरानीमा रहन सक्नेछन् ।
त्यस्तै हाम्रो डक्टरले इन्टरनेटको सुविधा नपुगेको ठाउँ र मानिसलाई लक्षित गर्दै कोरोना सम्बन्धी जानकारी र परामर्श लिनका लागि डाइरेक्ट ३ वटा हटलाईन सेवा पनि सुरु गरेको छ ।
९८०२३१५२२६, ९८०२३१५२२७ र ९८०२३१५२२८ नम्बरमा सम्पर्क गरि कोरोना भाइरस संक्रमणका बारेमा चिकित्सकसँग जानकारी लिन सकिने कम्पनीले जानकारी दिएको छ ।
हाम्रो डक्टर मोबाइल एप सन् २०१६ बाट सञ्चालनमा आएको हो । यसबाट चिकित्सक, अस्पताल, एम्बुलेन्स लगायत सेवाग्राहीका बारेमा जानकारी लिनुका साथै विशेषज्ञ चिकित्सकहरुसँग अनलाईन परामर्श, अस्पतालको टिकट खरिद, हेल्थ प्याकेज खरिद लगायत सेवा लिन सकिन्छ ।
हाम्रो डक्टरको मोबाइल एप डाउनलोड गर्न एन्ड्रोइड फोनका लागि यहाँ क्लिक गर्नुहोस् भने आईओएस फोनका लागि यहाँ क्लिक गर्नुहोस् ।
