आईसीटी समाचार
युट्युबले सर्टस निर्मातालाई पैसा दिनका निम्ति १०० मिलियन डलरको कोष स्थापना गरेको छ । यो कोष आउँदो केही महिनामा सार्वजनिक हुनेछ र आगामी वर्ष सर्टस निर्माताहरुलाई दिइन्छ ।
युट्युबले यो क्षेत्रमा एकदमै सक्रिय रुपले काम गरिरहेको बताएको छ । सर्टस बनाउने हरकोहीले यो योजनामा सहभागी हुन पाउनेछन् । यो योजनालाई सफल बनाउनका निम्ति युट्युबले आफ्नो कम्युनिटीसँग पनि सुझाव लिनेछ ।
सर्टस बनाउँदा कम्युनिटी गाईडलाइन मानेको र सक्कली कन्टेन्ट भएको हुनुपर्छ । सर्टसले दैनिक रुपमा ६.५ बिलियन भ्यु जम्म गर्न सकिरहेको छ ।
यसमा ६० सेकेण्ड सम्मको भिडियो क्लिप रेकर्ड गर्न सकिन्छ । सर्टसले स्वत्त रपमा क्यापसन आउने फिचरमा पनि काम गरिरहेको छ ।
