आईसीटी समाचार
मंगल ग्रहमा चीनियाँ यान सफलतापूर्वक अवतरण गरेको छ । बेइजिङको समय अनुसार २४० किलोको उक्त यान शनिवार बिहान ७ बजेर १८ मिनेटमा अवतरण गरेको हो ।
मंगल ग्रहमा यान अवतरण गराउनेमा चीन दोस्रो बनेको छ । यसअघि अमेरिकाले मात्रै मंगल ग्रहमा यान अवतरण गराएको थियो । जुरोङ रोबोटलाई तिआन्वेन-१ अभियानमार्फत फेब्रुअरीमा मङ्गल ग्रहमाथि पुर्याइएको हो ।
६ वटा पाङ्ग्रा भएको रोबटमा क्यामेरा पनि जडान गरिएको छ । क्यामराले तस्वीर खिच्ने र दिशा पत्ता लगाउन सहयोग गर्नेछ ।
यो यानले सौर्य ऊर्जाबाट काम गर्छ । २४० किलोको सो यान अवतरणका लागि एउटा सुरक्षा खोल, एउटा प्यारासुट र एउटा रकेट प्लेटफर्मको सहायता लिइएको थियो ।
