बिजुलीको पोलमा जडान गरेको डिक्स बक्स चोरी गर्ने दुई जना पक्राउ

चितवनबाट निषेधाज्ञाको समयमा बिजुलीको पोलमा जडान गरेको डिक्स बक्स चोरी गर्ने दुई जना पक्राउ परेका छन् ।

चितवन माडी नगरपालिका-२ बस्ने २० वर्षीय कासी चौधरी र २२ वर्षीय श्रीकृष्ण महतोलाई पक्राउ गरेको जिल्ला प्रहरी कार्यालय चितवनका प्रहरी प्रमुख एसपी ओम प्रसाद अधिकारीले जानकारी दिए ।

एसपी अधिकारीका अनुसार उनिहरुले बैशाख ३१ गते भरतपुर महानगरपालिका-१६ नविनचोक र गाविस चोकमा बिजुलीको पोलमा जडान गरेको प्राईम नेटवर्क प्रालिको चार थान डिक्स बक्स चोरी गरेका थिए ।

चोरी भएको डिक्स बक्स उनिहरुको कोठाबाट बरामद गरिएको छ । उनीहरु उपर थप अनुसन्धान भइरहेको जिल्ला प्रहरी कार्यालय चितवनले जनाएको छ ।