आईसीटी समाचार
मे फ्लावर ४०० नामक स्वायत्त जहाज मान्छेबिनानै एटलान्टिकमा यात्रा गर्नेछ । यसले बेलायतको प्लाईमाउथ देखि अमेरिकाको मासाचुसेटसम्म ३५०० माइलको यात्रा तय गर्नेछ ।
यात्राको समयमा यो जहाजले विभिन्न वैज्ञानिक परिक्षण पनि गर्नेछ । यो जहाजलाई प्रोम्येर भन्ने मराइन अन्वेषण संस्थाले निर्माण गरेको हो । यसको प्राविधिक पार्टनर आईबिएम रहेको छ ।
यी दुई कम्पनीले मिलेर विश्वकै पहिलो इन्टेलिजेन्ट जहाज मे फ्लावर ४०० बनाएको हो । रिपोर्टका अनुसार मान्छे नराखेर एटलान्टिक महासागरमा चलाइने यो पहिलो जहाज हो ।
यो जहाज १५ मिटर लामो ट्रिमारान रहेको छ र यसको तौल नौ टनको रहेको छ र पूर्ण रुपमा स्वायत्त रहेको छ । यो सोलारको ऊर्जाले चल्छ र यसमा रोबोटिक रडर प्रयोग गरेर स्वायत्त बनाइएको छ ।
एटलान्टिक महासागरको ८० प्रतिशत भाग अहिले सम्म अन्वेषण गरिएको छैन जसले गर्दा यो पालिको वैज्ञानिक परिक्षणहरुले धेरै कुरा थाहापाउन मद्दत पुर्याउने आशा गरिएको छ ।
यो प्रोजेक्टमा भारत, स्वीजरल्याण्ड, अमेरिका जस्ता देशहरुले पनि निकै सहयोग पुर्याएको छ । एआईले सञ्चालन गरेको र सोलारले पावर गरिएकाले यो जहाजले समुद्रमा एकदमै लामो समय पनि बिताउन सक्छ ।
तर यो स्वायत्त जहाजले नराम्रो मौसमा राम्ररी चल्न सक्दैन् । यसमा आफै आफूलाई सुधार्न र सिकाउन सक्ने क्षमता पनि रहेको छ ।
