आईसीटी समाचार
नेपाल विज्ञान तथा प्रविधि प्रतिष्ठान (नाष्ट)ले सुरु गरेको अक्सिजन ग्यास सिलिण्डर उत्पादनको पहिलो परीक्षण गरिएको छ ।
पहिलो परीक्षणबाट उत्साहजनक सफलता पाएको र अब हप्ता दिनभित्र दोस्रो चरणको परीक्षण गर्ने नाष्टका भिसी सुनिलबाबु श्रेष्ठले बताए ।
मुलुकमा कोरोना संक्रमणले अक्सिजन सिलिन्डर अभाव भएपछि नाष्टले आफै उत्पादन गर्न सुरु गरेको थियो ।
आजको परीक्षणमा केही प्राविधिक समस्या आएकाले पुरा गर्न नपाएको उनले बताए ।
सिलिन्डरलाई १५० बार प्रेसर सिलिन्डरलाई चाहिन्छ । यसको परीक्षण गर्दा २.५ गुणा बढी अर्थात ३५० बार प्रेसर दिएर यसको परीक्षण गर्न खोजिएको थियो ।
३५० बार प्रेसर चाहिनेमा २३५ बार प्रेसरसम्म दिन सकियो ।
२३५ दिदासम्म सिलिन्डरमा कुनै समस्या नभए पनि त्यसमा प्रयोग भएको पाइपमा लिकेज देखिएको श्रेष्ठले बताए ।
‘२३५ बार प्रेसर दिदा पाइपमा लिकेज देखिएपछि आजलाई यत्तिमै टुग्याउनु पर्यो,’ उनले भने, ‘अब पाइपलाई ठिक गरेर अर्को परीक्षण गर्ने छौं ।’
अर्को परीक्षण एक हप्ताभित्र गर्ने उनले बताए ।
आजको परीक्षणबाट उत्साहित बनाएको उनले बताए । स्थायीरुप भएको यो परीक्षण उत्साहप्रदक भएको उनले बताए ।
शिक्षा, विज्ञान तथा प्रविधिमन्त्री कृष्णगोपाल श्रेृष्ठले सिलिन्डर परीक्षणको सुरुवात गरेका छन् ।
मन्त्रालयका सचिव, सहसचिव, नाष्टका बैज्ञानिकहरुको सहभागिता थियो ।
सफल परीक्षण भएसँगै अब नाष्टले यसको व्यवसायीक उत्पादनको लागि विभिन्न कम्पनीलाई अनुमति दिने जनाएको छ ।
नाष्टका अनुसार नाष्टले उत्पादन गर्ने सिलिन्डरको मूल्य १० हजार रुपैयाँभन्दा कम पर्ने छ । बजारमा सामान्यतया १५ हजार रुपैयाँ पर्छ ।
