आईसीटी समाचार
आज देखि गूगल प्ले स्टोरमा एन्ड्रोइड १२ सार्वजनिक बेटा डाउनलोडका लागि उपलब्ध भएको छ । गूगलले यसको बारेमा आई/ओ २०२१ मा बताएको थियो ।
एन्ड्रोइड १२ मा भिजुअल रुपमा एकदमै परिवर्तन आएको छ । यसमा डिजाइन भाषाको रुपमा मटेरियल लयाङ्गवेज प्रयोग गरिएको छ जसले गर्दा एन्ड्रोइड यूजर इन्टरफेसको सबै भागलाई कस्टोमाईजेबल बनाइएको छ ।
नयाँ वालपेपर राख्दा ओएसले नोटिफिकेसन सेड, भोल्युम कन्ट्रोल सबैमा भिन्नता ल्याउनेछ । त्यस्तै अब गूगल पे र होम कन्ट्रोल पनि जोड्न मिल्ने भएको छ ।
यो नयाँ इन्टरफेस पहिले गूगल पिक्सेल डिभाइसको लागि आउनेछ । कम्पनीका अनुसार एन्ड्रोइड १२ इन्स्टल गरिएको फोन अझै राम्ररी चल्नेछ ।
सिपियु अप्टिमाइज गरिएकाले ब्याट्री खपत पनि कम हुनेछ । यसमा सुरक्षा र गोपनीयताका लागि पनि थप फिचरहरु राखिएको छ ।
यसमा नयाँ डयासबोर्ड राखिएको छ जसले एपले सम्पूर्ण डेटा पहुँच कति गरेको छ भनेर देखाउँछ । गूगलले एन्ड्रोइड प्राईभेट कम्प्यूटर को भन्ने फिचर पनि ल्याउने भएको छ ।
यसले लाइभ क्याप्सन जस्तो फिचरका लागि भाषा र अडियो प्रोसेसिङ व्यवस्थित गर्नेछ । यो वर्षको अन्त्य तिर एन्ड्रोइड १२ मा अरु फिचरहरु पनि आउनेछ ।
