आईसीटी समाचार
गूगलले नयाँ जेनेरेसनको थ्रीडी भिडियो च्याट बुथ प्रिभ्यु गरेको छ । यसले भिडियो च्याट गरिरहेको व्यक्तिलाई थ्रीडीमा आफ्नो अगाडि आउन मद्दत पुर्याउने छ ।
यसले गर्दा भिडियो च्याट गरिरहेको व्यक्तिलाई प्रयोगकर्ताले विभिन्न एङ्गलबाट हेर्न सक्छन् र आई कन्टयाक्ट पनि गर्न सक्छन् ।
यो प्रणालीलाई प्रोजेक्ट स्टारलाइन भनिन्छ । यो प्लेटफर्मले थुप्रै क्यामेरा र सेन्सर प्रयोग गरेर मान्छेको व्यक्तित्व, आकारहरु भिन्न दृष्टिकोणबाट देखाउने गर्छ ।
त्यसपछि त्यो भागहरुलाई जोडेर प्रणालीले थ्रीडी मोडेल बनाउने गर्दछ जसले रियल टाइमानै ब्रोडकास्ट गर्ने गर्छ । यसले एउटै रुममा भएर कुरा गरेको अनुभूति गराउने गर्छ । यो एक सम्पूर्ण बुथनै हुनेछ ।
यो बूथमा ६५ इन्चको लाईट फिल्ड पनि हुने गर्दछ जसले मान्छेलाई थ्री डीमा ल्याउन मद्दत पुर्याउँछ । यो च्याट बूथ केही गूगल आफिसमा मात्रै उपलब्ध भएको छ ।
भिडियो च्याट अहिलेको समयका लागि एकदमै महत्वपूर्ण हुँदै गईरहेकाले यो प्रणाली एकदमै उपयोगी हुनेछ ।
