आईसीटी समाचार
गूगल फोटोजका लागि नयाँ स्टोरेज नीति लागू हुने समय आउन लागेको छ । जुन १ देखि प्रयोगकर्ताहरुले गूगल फोटोजमा असिमीत स्टोरेज पाउँदैनन् ।
गूगलले अहिले कुनै पनि फोटोलाई ओर्जिनल क्वालिटी र हाई क्वालिटीमा अपलोड गर्न दिन्छ । हाई क्वालिटीले स्पेस बचाउन मद्दत पुर्याउँछ भने अर्जिनल क्वालिटीले प्रयोगकर्ताको फोटो जुन रिजोल्युसनमा छ त्यसैमा सेभ गरिदिने गर्दछ ।
अहिले गूगल फोटोले १५ जिबी निःशुल्क स्टोरेज दिईरहेको छ जसमा हाई क्वालिटी फोटो अपलोड गर्दा स्टोरेज फ्री रहेको छ तर जुन १ देखि हाई क्वालिटी फोटोले पनि स्पेस लिनेछ ।
त्यही कारणले कम स्पेस खानलाई हाई क्वालिटी फोटोमा सेभ गर्नुपर्छ । यसका लागि तलको प्रक्रिया प्रयोग गर्न सकिन्छ ।
१. आफ्नो पिसीमा गएर फोटोज डट गूगल डटकम÷सेटिङ्ग टाइप गर्नुपर्छ ।
२. त्यसपछि त्यहाँ रिकभर स्टोरेज भन्ने अप्सन आउँछ र त्यसमा गएर क्लिक गर्नुपर्छ ।
३. यति गरेपछि एटा पप अप आउँछ जसले अर्जिनल क्वालिटी फोटो वा भिडियोलाई हाई क्वालिटीमा कम्प्रेस गर्दा कति स्पेस बाँच्छ भनेर जानकारी दिन्छ ।
४. यसपछि कम्प्रेस अप्सनमा क्लिक गर्नुपर्ने हुन्छ ।
यी अप्सनहरु फोटो अर्जिनल क्वालिटीमा भएमात्र आउँछ र हाई क्वालिटीमै भएमा आउँदैन् ।
