आईसीटी समाचार
आगामी जुलाई देखि आईफोनमा नेपाल टेलिकमको भ्वाइस ओभर एलटिई (भीओएलटिई) सेवा चल्ने भएको छ ।
नेपाल टेलिकमकले गत सोमबारबाट नेपालमै पहिलोपटक भीओएलटिई सेवाको परीक्षण सुरूवात गरेको थियो ।
८०० मेगाहर्जमा फोरजी भीओएलटिई सेवा आईफोनमा नचलेपछि एप्पलका प्रमुख कार्यकारी अधिकृत (सीईओ) टिम कुकलाई टेलिकमले इमेल लेखेको थियो ।
उक्त इमेलको जवाफ दिदै कम्पनीले सो समस्या समाधानको लागि विज्ञटोली खटाएको जानकारी दिएको नेपाल टेलिकमका प्रबन्ध निर्देशक डिल्लीराम अधिकारीले बताए ।
‘आगामी जुलाईदेखि ८०० मेगाहर्जमा समेत फोरजी/ भीओएलटिई सेवा उपलब्ध गराउने जानकारी प्राप्त भएको छ,’ अधिकारीले भने ।
