आईसीटी समाचार
सिएसआईटी एसोसिएसन अफ नेपालले असार १२ गते देखि प्रोभाथन आयोजना गर्ने भएको छ । प्रोभाथन भनेको एक महिना लामो राष्ट्रिय स्तरको ह्याकाथन हो । कोभिडका कारणले सिएसआईटीले भर्चुअल रूपमा धेरै मान्छेहरु राखेर कार्यक्रम आयोजना गर्ने भएको छ ।
यो कार्यक्रम नवीन विचार र इनोभेसनको स्तर बढाउन आयोजना गर्न लागिएको जनाइएको छ । प्रोभाथन २०२१ को थिम ‘लेट योर कोड विटनेसस द चेन्ज’ रहेको छ । प्रोभाथनको विषय भने शिक्षा, स्वास्थय र रोजगारको क्षेत्रमा कोभिडको प्रभावलाई कसरी हटाउने भन्ने रहेको छ ।
कार्यक्रममा भाग लिनलाई सहभागीहरुले आ आफ्नो क्षेत्रबाट ह्याकाथनमा सहभागी हुन पाउनेछन् । यसका लागि सर्वप्रथम सिएसआईटी एसोसिएसन अफ नेपालले निकालेको फर्म भरेर आफ्नो आईडिया रजिस्टर गर्नुपर्ने हुन्छ ।
त्यही आईडियाको भरमा हरेक क्षेत्रका क्षेत्रीय समितीले १० उत्कृष्ट टिमहरुलाई प्रतिस्पर्धाका लागि अगाडि राउण्डमा लैजान्छन् । हरेक क्षेत्रको ह्याकाथनबाट २ टिम छानिन्छन् र फाइनल राउण्डमा सबै क्षेत्रका टप २ टिमहरुले उत्कृष्टका लागि प्रतिस्पर्धा गर्नेछन् ।
यो कार्यक्रममा सहभागी हुन एउटा टिममा कम्तीमा पनि तीन जना सदस्य र बढिमा ४ जना सदस्य मात्रै हुनुपर्छ । सहभागीका आईडीयाहरु इनोभेटिभ हुनुपर्छ । सहभागी सदस्यहरु भने दुवै प्राविधिक र गैर-प्राविधिक क्षेत्रको हुन सक्नेछन् ।
प्रतिस्पर्धामा कोड मूल्याकंन, परियोजनाको समाप्ति र प्रेजेन्टेसनको आधारमा मूल्याकंन गरेर निर्णय गरिने आयोजकले बताएका छन् । रेजिस्ट्रसन फर्म खुलिसकेको छ र यो असार ५ मा बन्द हुनेछ । आफ्नो आइडिया रजिस्टर गर्न यहाँ क्लिक गर्नुहोस् ।
