आईसीटी समाचार
नेपाल बंगलादेश बैंकले मकवानपुर जिल्लाको मकवानपुरगढी गाँउपालिकामा किसान कृषि लोन कार्ड वितरण गरेको छ ।
मकवानपुरगढी गाँउपालिकाको अध्यक्ष विदुर हुमागाईंबाट किसान कृषि लोन कार्ड हस्तान्तरण गरी शुक्रबारदेखि लगानीको सुरु गरिएको हो ।
यसबाट पहिलो चरणमा मकवानपुरगढी गाँउपालिका वडा नं. ३ का २५ जना कृषकहरु लाभान्वित हुने बैंकले जनाएको छ ।
उक्त योजना अन्तर्गत बैंकले विना धितो, एकै प्रकारको व्यवसाय गर्ने र एउटै क्षेत्रका किसानहरुलाई सहुलियतपूर्ण कृषि कर्जा प्रदान गर्नेछ ।
कृषकहरुले क्यू आर कोड अंकित किसान कृषि लोन कार्ड बैंकबाट प्राप्त गर्नेछन्। उक्त कार्डबाट सामान किन्दा कार्डको क्यूआर कोडबाट भुक्तानी गर्न सक्नेछन् ।
