आईसीटी समाचार
विवेकशील साझा पार्टीका पूर्व अध्यक्ष उज्ज्वल थापाको उपचारमा उठेको रकमबाट राष्ट्रिय आविष्कार केन्द्रलाई १५ लाख रूपैयाँ प्रदान गरिएको छ ।
आईटी उद्यमी समेत रहेका थापाको उपचार गरी बचेको रकमबाट परिवारले राष्ट्रिय आविष्कार केन्द्रलाई शनिबार १५ लाख रूपैयाँ प्रदान गरेको हो ।
उनको उपचार गर्नका लागि संसारभरबाट करिब २,८०० व्यक्तिहरूबाट ६७ लाख ८३ हजार ४ सय ८५ रूपैयाँ संकलन भएको परिवारले बताएको छ ।
त्यसमध्ये २४ लाख २० हजार ३ सय ४९ रूपैयाँ उपचारको लागि खर्च भएको र बैंक तथा रकम स्थानान्तरण गर्नको लागि १ लाख १० हजार ९ सय ३४ रूपैयाँ पैसा खर्च भएको परिवारले बताएको छ ।
उपचार गरी बाँकी रहेको ४२ लाख ५२ हजार २ सय रूपैयाँ आविष्कार केन्द्रसहित सात संस्थालाई बाँडिएको हो । गत जेठ १८ गते थापाको उपचारका क्रममा नेपाल मेडिसिटी अस्पतालमा निधन भएको थियो ।
