ह्वाट्सएपले अबदेखि सुरु भइसकेको ग्रुप भिडियो कलमा पनि जोडिन दिने

ह्वाट्सएपले अब देखि सुरु भईसकेको ग्रुप भिडियो कलमा पनि जोइन गर्न दिने भएको छ । यसले अब जूम, टिम्स, मिट जस्ता अरु भिडियो कन्फेरेन्सिङ एप जसरी काम गर्नेछ ।

यसअघि कल आउँदा तपाई अनलाइन भएमा मात्रै ग्रुप भिडियो कलमा जोइन गर्न मिल्ने गर्दथ्यो । तपाईलाई इन्भाईट गरिएको भएमा तपाई कुनै बेला कलबाट हट्ने र कलमा जोडिने गर्न सक्नुहुन्छ ।

अब एपले कल इन्फर्मेसन स्क्रीन पनि राख्ने छ, जसले कोको इन्भाइट गरिएका छन् र कलमा कोको जोडिएका छन् भनेर विवरण दिनेछ । तपाइले सुरुमा कुनै कलमा इग्नोर थिच्नु भएपनि पछि त्यसमा सजिलै जोडिन सकिन्छ ।

ह्वाट्सएपले पनि आफ्नो भिडियो कल अरु भिडियो कन्फेरेन्सिङ एपसँगै प्रतिस्पर्धा गर्ने खोजेको बताइएको छ । यो फिचरले धेरैलाई ह्वाट्सएपबाट पनि काम गर्न सहज बनाउने कम्पनीको विश्वास रहेको छ ।