आईसीटी समाचार
खल्तीमा दर्ता गरिएको आफ्नो मोबाइल नम्बर टपअपमा १० प्रतिशत क्यासब्याक पाइने भएको छ । खल्ती डिजिटल वालेटले खल्तीमा दर्ता गरिएको नम्बरमा रिचार्ज गर्दा १० प्रतिशत क्यासब्याक पाइने अफर ल्याएको हो ।
प्रयोगकर्ताहरुका लागि रहेको यस अफरले मोबाइल टप अप गर्न रिचार्ज कार्ड स्क्रयाच गर्न पर्ने झन्झटलाई न्युनिकरण गरि ग्राहकहरुको पैसा र समयको बचत गर्न उक्त अफर संचालनमा ल्याईएको खल्तीको ब्राण्ड तथा मार्केटिङ्ग प्रबन्धक शिरिष श्रेष्ठले बताए ।
एनसेल, नेपाल टेलिकम, र स्मार्टको टपअपमा लागु हुने यो अफर अन्तर्गत क्यासब्याक पाउन केवाईसि भेरिफाइड रहेको खल्ती आईडी कै नम्बरबाट सोही नम्बरमा रिचार्ज गर्नुपर्ने हुन्छ ।
यो योजना सिमित समयावधि को मात्र लागि रहेको छ । हरेक नेपाली महिना अनुसार एक महिनाको अधिकतम क्यासब्याक रु. १०० हुनेछ। त्यसपश्चात् १ प्रतिशत क्यासब्याक उपलब्ध हुनेछ।
आफ्नो बाहेक अरुको नम्बर रिचार्ज मा पनि सामान्य रूपमा पाइने १ प्रतिशत क्यासब्याक उपलब्ध हुनेछ। रिचार्ज गर्दा सम्पूर्ण क्यासब्याक नदेखिए पनि शर्तहरु पुरा भएको खण्डमा भए ट्रान्ज्याक्सन हिस्ट्रीमा पुरै क्याब्याक पाएको देख्न सकिनेछ।
