दोस्रो त्रैमासमा टेस्लाले उत्पादन गर्‍यो २०० हजार गाडी, आम्दानीमा पनि छलाङ

टेस्लाका सीईओ एलन मस्कले सोमबार टेस्लाको दोस्रो त्रैमासिक २०२१ लगानीकर्ता आय कार्यक्रम गरेका थिए । त्यो कार्यक्रममा मस्कले यो क्वाटरमा सबैभन्दा बढी टेस्लाको गाडी निर्माण, विक्री र ढुवानी गरेको बताएका छन् ।

यो त्रैमासिकमा विक्री गत वर्ष भन्दा १५१ प्रतिशतले बढेको छ । त्यस्तै कम्पनीले २०० हजार गाडीको निर्माण यो क्वाटरमा गरेको छ ।

टेस्लाले दोस्रो त्रैमासिकमा ४३८ मिलियन डलर सेयर कमाएको छ । टेस्लाको नेट आय १.१ बिलियन डलरको रहेको छ । कम्पनीको गत वर्ष भन्दा आम्दानी ९८ प्रतिशतले बढेको छ । कोभिडको समय भएता पनि यसले टेस्लाको विक्रीमा कुनै फरक नपारेको देखाएको छ ।

टेस्लाले दोस्रो त्रैमासिकमा ८५ मेगाावाटको क्षमता रहेको सोलार उर्जा पनि सार्वजनिक गरेको थियो र १ हजार सुपरचार्जिङ स्टेसन थपेको छ । यो डेटाले विद्युतीय गाडीले फ्युल गाडीको मार्केट लिएको भन्ने देखाएको कम्पनीले बताएको छ ।

मस्क विद्युतीय कारको भविष्यका लागि आशावादीनै देखिएका थिए । हालैमा टेस्लाको सुपर चार्जर अब अरू विद्युतीय गाडीका लागि पनि उपलब्ध हुने भएको छ ।

टेस्लाका सीईओ एलन मस्कले यो वर्ष देखि आफ्नो सुपर चार्जर अरु विद्युतीय गाडीका लागि पनि खोल्ने बताएका छन् । यो सन् २०२१ को अन्त्य सम्ममा अरु कम्पनीका लागि पनि उपलब्ध हुने भएको छ ।