अकाउन्ट सस्पेन्ड वा लक भएमा प्रयोगकर्तालाई सूचित गराउने फिचर जाँच गर्दै ट्विटर

ट्वीटरले अकाउन्ट सस्पेन्ड वा लक भएमा प्रयोगकर्तालाई सूचित गर्ने फिचरको जाँच गरिरहेको छ । त्यस्तै कुनै नीति नमानेर अकाउन्टलाई रिड अनली मोडमा राखिदिएको अवस्थामा पनि यो फिचरको कारणले सूचना आउनेछ ।

नोटिसेज भन्ने फिचरले फिडको माथि ब्यानर जस्तोमा अकाउन्ट पूर्ण रुपले सक्रिय छैन् भनेर सूचित गराउने गर्दछ । ट्वीटरले एकदमै कम प्रतिशत आईओएस, एन्ड्रोइड र वेब प्रयोगकर्ताको माथि यो फिचरको जाँच गरिरहेको छ ।

आफ्नो अकाउन्ट सस्पेन्ड, लक वा रिड अनली मोडमा रहेको भनेर धेरै प्रयोगकर्ताले थाहा नभएको गुनासो राखेपछि ट्वीटरले यो फिचरको जाँच गर्न थालेको हो ।

तपाईको अकाउन्ट सस्पेन्ड वा लक भएमा नोटिसेजले प्रययोगकर्तालाई गाईड पनि गरिदिन्छ । लक अकाउन्टहरुले एक हप्ता भित्रमा पुरा पहुँच पुनः पाउने गर्दछन् ।