ह्वाट्सएपका प्रमुख भन्छनः एप्पलको बाल उत्पीडन रोक्ने अपडेट ‘निगरानी प्रणाली’ हो

ह्वाट्सएपका प्रमुखले बाल उत्पीडन रोक्न एप्पलले ल्याउन लागेको अपडेट ‘निगरानी प्रणाली’ भएको दाबी गरेका छन् । ह्वाट्सएपका प्रमुख विल क्याथकार्टका अनुसार यो प्रणालीले सजिलै प्रयोगकर्ताहरुको निजी कन्टेन्ट स्क्यान गर्न सक्ने र आफूलाई चाहिए अनुसार प्रयोग गर्न सक्ने बताएका छन् ।

यो प्रणालीलाई स्पाईवेयर कम्पनीहरुले दुरुपयोग गर्न सक्ने पनि उनले विचार राखेका थिए । त्यो ट्वीटको रिप्लाईमा एप्पलका वक्ताले प्रयोगकर्ताहरुले आईक्लाउडको फिचरलाई बन्द पनि गर्न सक्ने बताएका गरेका थिए । यो प्रणालीले डेटाबेस प्रयोग गरेर संवेदनशील ईमेज थाहापाउने हुँदा यो सबै क्षेत्रका लागि काम नलागने पनि क्याथकार्टले बताएका छन् ।

यसअघि एप्पलले फेसबुकलाई सुरक्षाको मामिलामा धेरै आरोप लगाइसकेको छ । एप्पलले मेसेज, फोटोज र सिरीमा विभिन्न बालबालिका सुरक्षा फिचरहरु ल्याउँदै छ । मेसेजेज एपमा यौन तस्वीरहरु पठाएको वा कन्टेन्ट पाएमा दुवै बालबालिका र अभिभावकलाई नोटिफिकेसन जाने गर्दछ ।

यो फिचरमा कसैले बालबालिकालाई अनैतिक तस्बीर पठाएमा एपले आफै ती फोटोलाई ब्लर गरिदिएर विभिन्न सावधानीको नोटिफिकेसन पनि पठाउने छ । त्यस्तो संवेदनशील ईमेजलाई बालबालिकाले खोलेर हेरेमा अभिभावकलाई नोटिफिकेसन पनि जानेछ ।