आईसीटी समाचार
भोजबाट फुड अर्डर गर्दा आईएमई पेबाट भुक्तानी गरे २० प्रतिशत क्यासब्याक पाइने भएको छ । यसका लागि आईएमई पे र भोज बीच सम्झौता भएको हो ।
भोज र आइएमई डिजिटल सोलुसन लिमिटेडबिच सम्झौता अनुसार अब भोजबाट आइएमई पेमार्फत खरिद गर्दा ५०० रुपैयाँ नबढ्ने गरी २० प्रतिशत क्यासब्याक गरी सेवाग्राहीले प्राप्त गर्न सक्नेछन् ।
यो अफर १३ अगस्त २०२१ देखि १९ अगस्त २०२१ सम्म लागू हुनेछ । आइएमई डिजिटल सोलुसन लिमिटेडका बजार व्यवस्थापक आमोद भट्टराईले सेवाग्राहीले आइएमई पेबाट भुक्तानी गरेर यस योजनाको अधिकतम फाइदा लिनेमा आफू विश्वस्त रहेको बताए ।
त्यस्तै भोजका सह-संस्थापक निकेत अग्रवालले भोजडिल्सबाट खरिद गर्दा आइएमई पेमार्फत भुक्तानी गर्न सकिने हुँदा सेवाग्राहीहरूलाई अझ सजिलो हुने र क्यास ब्याकको फाइदा पनि उठाउन सक्ने विश्वास व्यक्त गरे ।
