आईसीटी समाचार
महालेखा परीक्षकको कार्यालयले सेवाग्राहीको बढी चाप रहने कार्यालयले प्रदान गर्ने सेवा सूचना प्रविधि प्रणालीमा आधारित बनाउनु पर्ने बताएको छ ।
शुक्रबार सार्वजनिक भएको महालेखा परीक्षकको वार्षिको प्रतिवेदनमा बढी चाप रहने कार्यालयले प्रदान गर्ने सेवा सूचना प्रविधि प्रणालीमा आधारित बनाउनु पर्ने उल्लेख गरिएको छ ।
उक्त प्रतिवेदनमा भनिएको छ, ‘सेवाग्राहीको बढी चाप रहने मालपोत, नापी, वैदेशिक रोजगार, यातयात व्यवस्था, राहदानी, अध्यागमन लगायतका कार्यालयले प्रदान गर्ने सेवामा सेवाप्रवाह गर्ने कार्यविधि र प्रक्रियामा सरलीकरण गरी सूचना प्रविधि प्रणालीमा आधारित बनाउनुपर्दछ ।’
त्यस्तै सूचना प्रविधिको पहुँच नभएको र बढी सेवाग्राहीको उपस्थिति हुने स्थानमा सेवाप्रवाहलाई गुणस्तरीय एवं प्रभावकारी बनाउन चक्रिय समय प्रणाली, टोकन प्रणाली, लेआउट व्यवस्थापन, गुनासो सुनुवाईको व्यवस्था र हेल्प डेस्क प्रणाली लगायत उपयुक्त सेवाप्रवाह विधि कार्यान्वयनमा ल्याउनु पर्ने बताइएको छ ।
