आईसीटी समाचार
सूचना प्रविधिमा महिला अन्तर्राष्ट्रिय दिवसको अवसरमा वुमन इन इन्फर्मेसन टेक्नोलोजीले ‘प्रोमोटिङ ग्लर्स इन आईसिटी’ विषयमा आयोजना गरेको ग्राफिक डिजाइन प्रतियोगिताको समय थप भएको छ ।
यसअघि भदौ २३ गतेसम्म आवेदन दिने समय रहेपनि त्यसलाई बढाउँदै असोज २ गतेसम्म पुर्याइएको हो । यसमा २२ वर्षसम्मका छात्राहरुले सहभागी हुन पाउनेछन् ।
यसका लागि सहभागीहरुले विद्यार्थी परिचयपत्र वा नागरिताको प्रतिलिपी बुझाउनुपर्ने हुन्छ । ग्राफिक डिजाइनहरु आगामी ८ सेप्टेम्बरसम्म पठाइसक्नुपर्छ ।
डिजाइनको एसपेक्ट रेसियो ६४० X ४८० पिक्सेलको हुनुपर्छ र रिजोल्युसन ३०० रेस/ डिपिआईको हुनुपर्ने आयोजकले जनाएको छ । फाइल साइज ८ एमबी भन्दा कम साइजको हुनुपर्नेछ । विजेताले प्रमाणपत्र र विभिन्न नगद पुरस्कार पनि पाउनेछन् ।
यस प्रतियोगितामा पहिलो हुनेले १० हजार, दोस्रोले ५ हजार र तेस्रोले ३ हजार पुरस्कार प्राप्त गर्नेछन् । यस प्रतियोगितामा रजिस्ट्रेसन गर्न यहाँ क्लिक गर्नुहोस् । कार्यक्रम बारे थप जानकारी यहाँ क्लिक गरेर लिन सकिन्छ ।
