गूगलले सन् २०३० सम्ममा आफूले खपत गरेको १२० प्रतिशत पानीलाई पुनः प्रयोग गर्ने

गूगलले सन् २०३० सम्ममा आफूले खपत गरेको १२० प्रतिशत पानीलाई पुनः प्रयोग गर्ने बताएको छ । डेटा सेन्टर र अफिसमा प्रयोग गरिएको पानीलाई गूगलले भरपाई गर्ने भएको हो । आफ्नो सर्भर फार्महरुलाई पनि चिसो बनाउन गूगलले ताजा पानीको विकल्प खोजेर प्रयोग गर्ने पनि प्रतिबद्धता जनाएको छ ।

र्जोजियामा कम्पनीले पहिले देखिनै फोहोर पानी रिसाईकल गरेर प्रयोग गर्ने गरेको दावी गरेको छ । कम्पनीले फोहोर पानी र समुद्रको पानीको प्रयोगमा विशेष ध्यान दिनेछ । वर्षाको पानीलाई शौचालयमा फल्स गर्न र सिँचाई गर्नलाई प्रयोग गर्नेछ ।

कम्पनीले आफूले प्रयोग गरेको भन्दा बढि पानी पुनः पूर्ति गर्ने लक्ष्य राखेको छ । तालबाट ताजा पानीको उत्खनन गर्ने क्रमलाई सकेसम्म कम गर्ने तर्फ गूगलले काम गरिरहेको छ ।

यसले वातावरणको सुरक्षामा धेरै हदसम्म सहयोग पु¥याउने देखिन्छ । जल स्रोतको सुरक्षाका लागि गूगलले विभिन्न सरोकारवाला तथा संस्थाहरुसँग पनि सहकार्य गरेर काम गर्ने बताएको छ ।