आईसीटी समाचार
माईक्रोसफ्ट सर्फेस प्रो एटमा १२० हर्जको स्क्रीन र थण्डरबोल्ट पोर्ट हुने भएको छ । माईक्रोसफ्टको सर्फेस प्रो एट सेप्टेम्बर २२ को कार्यक्रममा सार्वजनिक हुने छ ।
स्याडो अन्डरस्कोर लिकले सर्फेस प्रो एट ट्याबलेट तथा ल्यापटपको केही फिचरहरु सार्वजनिक गरिदिएको छ ।
यसमा १३ इन्चको स्क्रीन रहेको हुनेछ । एक्स्टर्नल जीपीयूका लागि हेडरुम पनि उपलब्ध हुनेछ । डिभाईसमा एघारौँ जेनेरेसनको कोर प्रोसेसर प्रयोग गरिने छ । यसमा पनि सर्फेस ल्यापटप फोर जस्तै एसएसडीलाई प्रतिस्थापन गर्न सकिन्छ ।
सेप्टेम्बर २२ को कार्यक्रममा माईक्रोसफ्टले सर्फेस प्रो एटसँगै सर्फेस डुओ २, सर्फेस बुक, सर्फेस गो र सर्फेस प्रो एक्स पनि सार्वजनिक गर्नेछ तर ट्याबलेट तथा ल्यापटप दुवै भएकाले माईक्रोसफ्ट सर्फेस प्रो एटले बढि प्रयोगकर्ताहरुलाई आर्कषित गर्ने जनाइएको छ ।
