आईसीटी समाचार
चाँगुनारायण नगरपालिकाका सूचना प्रविधि अधिकृत सिद्धान्त न्यौपाने सिटी इन्क्युबेटरको विश्वको उत्कृष्ट १० भित्र पर्न सफल भएका छन् ।
अमेरिकाको ओपन डेटा पोलिसी ल्याबले आयोजना गरेको सिटी इन्क्युबेटर कार्यक्रममा नेपालका न्यौपाने उत्कृष्ट १० भित्र पर्न सफल भएका हुन् ।
ओपन डेटा पोलिसी ल्याबले यसलाई ‘डेटा इन्नोभसन’ को नाम पनि दिएको छ । सिटी इन्क्युबेटर कार्यक्रममा पाँच ओटा महादेशबाट विभिन्न व्यक्तिहरू सहभागी भएका थिए ।
सहभागी मध्येबाट ओपन डेटा पोलिसी ल्याबले आफ्नो इनअगुरल ओपन डेटा पोलिसी ल्याबको सिटी इन्क्युबेटर कोहर्ट र उनीहरुको डेटा इन्नोभसनको आधारमा दश जना सहभागीको नाम घोषणा गरेको हो । जसमा नेपालका न्यौपाने पनि पर्न सफल भएका हुन् । न्यौपाने नेपालबाट सहभागी जनाउने पहिलो व्यक्ति समेत हुन् ।
सिद्धान्त न्यौपानेले चाँगुनारायण ओपन डेटा प्लेटफर्म विकास गरेर आवश्यक ओपन डेटा मापदण्ड, नीति शासन संरचनामा काम गरेका थिए ।
त्यस्तै उनले प्लेटफर्मको जिओस्पाटियल पक्षमा पनि काम गरिरहेका छन् । चाङ्गुनारायण नगरपालिकाको डेटा संकलन गरेका छन् । यस कामका लागि चाँनारायण नगरपालिकासँग नक्सा नामक टेक कम्पनीले सहकार्य साझेदारी गरेको छ ।
