आईसीटी समाचार
माईक्रोसफ्ट सर्फेस प्रो एट सार्वजनिक भएको छ । सर्फेस प्रो एटमा १३ इन्चको स्क्रीन रहेको छ । माईक्रोसफ्टको पछिल्लो भर्सन १२.३ इन्चको रहेको थियो । १२० हर्जको रिफ्रेस दर भएको यो पहिलो नन गेमिङ डिभाइस हो ।
यसले गर्दा वेबपेजहरुमा स्क्रोल गर्न झनै सजिलो हुने जनाइएको छ । यसमा एक्स्टर्नल जीपीयूका लागि हेडरुम पनि उपलब्ध रहेको छ । डिभाईसमा एघारौँ जेनेरेसनको प्रोसेसर प्रयोग गरिएको छ । यसमा थण्डरबोल्ट पोर्ट पनि रहेको छ ।
यसमा पनि सर्फेस ल्यापटप फोर जस्तै एसएसडीलाई प्रतिस्थापन गर्न सकिन्छ । डिभाइसको स्क्रीन १२.५ प्रतिशतले उज्यालो बनाइएको छ र १०.८ प्रतिशतले बढी रिजोलुसन रहेको छ ।
सर्फेस प्रो एटमा ३२ जिबी र्याम र एक टेराबाईटको एसएसडी रहेको छ । एलटीई मोडेलमा ५१२ जिबी स्टोरेज रहेको छ तर प्रयोगकर्ताले १२८ जिबी वा २५६ जिबीको रिमुभेबल स्टोरेज प्लग इन गर्न सक्छन् ।
प्रो ७ भन्दा यो दुइै गुणा छिटो चल्ने माईक्रोसफ्टले जनाएको छ । ग्राफिक प्रस्तुती पनि ७४ प्रतिशतले बढाइएको छ । प्रमुख क्यामेरा १० मेगापिक्सेलको रहेको छ । यसको तौल १.९६ पाउण्ड रहेको छ ।
ट्याबलेट तथा ल्यापटप दुवै भएकाले माईक्रोसफ्ट सर्फेस प्रो एटले बढि प्रयोगकर्ताहरुलाई आर्कषित गर्ने जनाइएको छ । यो खरिदका लागि अक्टोबर ५ मा उपलब्ध हुनेछ ।
