आईसीटी समाचार
माईक्रोसफ्टले सर्फेस गो थ्रीमा छिटो चल्ने चिप इन्स्टल गरेको छ । यो माईक्रोसफ्टको सानो भर्सनको ट्याबलेट हो । यसको स्क्रीन १०.५ इन्चको रहेको छ । सर्फेस गो थ्रीमा क्वाड कोर टेन्थ जेनेरेशन कोर आई थ्री प्रयोग गरिएको छ ।
माईक्रोसफ्टका अनुसार यो चिपको कारणले डिभाईसमा ६० प्रतिशतले स्पीड बुस्ट हुने कम्पनीको दाबी छ । थुप्रै एपहरु चलाउनेहरुका लागि आई थ्री चिपले धेरै सहयोग पुर्याउने कम्पनीले जनाएको छ ।
र्याम भने अहिले पनि ४ जिबी वा ८ जिबीकै रहेको छ । बढी स्टोरेज चाहिने भएमा १२८ जिबी वा २५६ जिबीको एसएसडी प्रयोग गर्नुपर्ने हुन्छ । डिभाइसमा १९२०X१०८० को सक्रीन रिजोलुसन रहेको छ ।
सर्फेस गो थ्रीमा यूएसबी पोर्ट पनि रहेको छ । माईक्रोसफ्टले डिभाइसमा माइक्रोएसडी स्लट र एलटीई डेटाका लागि अप्सन राखेको छ ।
कम्पनीले यो डिभाइस एक चार्जमा ११ घण्टा चल्ने दावी गरेको छ । यो ल्यापटपको मूल्य ४०० डलर देखि सुरुवात हुन्छ । यो डिभाईस खरिदका लागि अक्टोबर ५ मा उपलब्ध हुनेछ ।
