आईसीटी समाचार
दसैँको अवसरमा सानिमा बैंकले ‘बिग डिल एट सस्तो डिल’ योजना सार्वजनिक गरेको छ । यस योजना अन्तर्गत सस्तोडिलाबाट सामान खरिद गर्दा बैंकका डेबिट तथा क्रेडिट कार्ड प्रयोगकर्ताले २५ प्रतिशतसम्म छुट पाउने छन् ।
अनलाइन सपिङ पोर्टल सस्तो डिलसँगको सहकार्यमा संचालित यस योजनामा बैंकको डेबिट तथा क्रेडिट कार्ड प्रयोग गरी भुक्तानी गर्दा २५ प्रतिशत छुट वा २ हजार ५०० सम्म छुट प्राप्त गर्न सकिने बैंकले जनाएको छ ।
योजना अवधिभर सहभागी हुने ग्राहकहरुलाई ‘फर्स्ट कम फर्स्ट सर्भ’ को आधारमा छुट प्रदान गरिने पनि बैंकले जनाएको छ । असोज १० गतेदेखि १५ गतेसम्म यो छुट पाइने छ ।
