आईसीटी समाचार
सामसङ्को ग्यालेक्सी एस २२ अल्ट्रामा नोटको एस पेन स्लट पनि रहेको छ । सामसङ्ले हालैमा भएको कार्यक्रममा ग्यालेक्सी नोट सार्वजनिक गरेन तर चाँडै यो फोन एस पेन स्लटका साथमा उपलब्ध हुने लिकले बताएको छ ।
यो फोन विशेषगरी नोट प्रयोगकर्ताहरुलाई लक्षित गरेरै निर्माण गरिएको छ । ग्यालेक्सी एस २२ अल्ट्रामा एस २१ अल्ट्रामा नभएको चौथो क्यामेरा पनि हुनेछ । फोनको बाहिरी रुप भने एस २१ अल्ट्राकै जस्तै रहेको छ ।
यसको प्रमुख क्यामेरा ५० एमपीको हुनेछ । त्यस्तै फोनमा क्वालकमको पछिल्लो जेनेरेशनको स्नापड्रागन चिप वा सामसङ्कै एक्सीनोस चिप प्रयोग गरिनेछ । एस २२ अल्ट्रा जानवरीमा सार्वजनिक गरिने अनुमान गरिएको छ ।
