आईसीटी समाचार
नेपाल पेमेन्ट सोलुसन्स्ले रेमिट्यान्स वालेट ट्रान्सफरको क्षेत्र विस्तार गर्दै एभ्रेष्ट रेमिट सँग सहकार्यको लागि सम्झौता गरेको छ ।
नेपाल पेमेन्ट सोलुसन्स् प्रालिको तर्फबाट सिमन श्रेष्ठ, बिजनेश डेभलपमेन्ट मेनेजर र एभरेष्ट रेमिटको तर्फबाट निखिल श्रेष्ठ, करेस्पोन्डेन्ट बैकिंङ्ग तथा रेमिट्यान्स कर्जा प्रमुखले आ–आफ्ना्े संस्थाको प्रतिनिधित्व गर्दै सम्झौता पत्रमा हस्ताक्षर गरेका थिए ।
रेमिट्यान्स वालेट ट्रान्सफर प्लेटफर्मका लागि नेपाल पेमेन्ट सोलुसन्स्ले प्रमुख एक्सप्रेसको भुमिका निर्वाह गर्दछ । यसले भौतिक तथा पुरानो रेमिट्यान्स प्रणालीलाई समेत आधुनिक प्रणालिमा जोडिदिने काम गर्दछ ।
यो प्लेटफर्मको शुरुवात सँगै सेवाग्राहीहरुले विश्वको जुनसुकै कुनाबाट कुनै पनि समय विद्युतीय रेमिट्यान्स कारोबार गर्न सक्नेछन् ।
यो विद्युतिय रेमिट्यान्स कारोबारले डिजिटल वालेटको विभिन्न फाइदाहरु पनि उपयोग गर्न पाइनेछ । यो प्रणाली सबैका लागि सहज, छिटो, सुरक्षित र सरल किसिमको पैसा पठाउने र पाउने माध्यम हो ।
